Inkomoko y’umusaraba wifashishwa cyane mu bakirisitu

1

Inkomo y’umusaraba ukunze gukoreshwa cyane mu madini yemera Yezu Kirisitu nk’umucunguzi ntikunze kuvugwaho rumwe n’abantu batandukanye ndetse bamwe bakavuga ko ari ikimenyetso cya Gipagani kurusha uko waba icya Gikirisitu.

Ku madini aha agaciro cyane umusaraba ndetse akawufata nk’ikimenyetso cy’ibanze kiranga imyemerere yabo, bashingira ku kuba ari wo Yezu/Yesu Kirisito yabambweho bityo ukaba ari ikimenyetso cy’ugucungurwa kwabo.

Ibimenyetso byinshi biri mu nzu ndangamurage y’Abongereza birimo ibigaragaza Imana kazi y’Abagiriki ba kera iri iruhande rw’Umusaraba byerekana ko umusaraba wabayeho ibinyejana byinshi mbere y’ivuka ry’amadini ya Gikirisitu ndetse bikemezwa ko ufite inkomoko mu Abanya-Babuloni ba kera mbere y’uko ukwira mu bindi bice by’Isi.

Umusaraba wa mbere y’Ubukirisitu wakoreshwaga nk’ikimenyetso mu madini gakondo y’Abanyamisiri, Abanya-Syria n’Abagiriki.

Related image

Uyu musaraba wa mbere wari mu bwoko bubiri uzwi nka ‘Tau Cross’ wabaga ukoze nk’inyuguti nkuru ya T’ yo mu Kigiriki ndetse n’undi witwaga ‘fylfot cross’.

Uyu musaraba wa Tau niwo wakoreshwaga cyane n’abapagani gusa nyuma uza gutangira gukoreshwa n’Abakirisitu bo mu Misiri.

Umusaraba waje kuba gute ikimenyetso gikomeye kiranga Abakirisitu ?

Mu kinyejana cya 4, Umwami w’Abami Constantine yemeye Ubukirisitu ndetse yemeza ko hakwiye gushakishwa ahantu hari n’ibintu bifite amateka y’ingenzi mu buzima bwa Yezu.

Muri iki gikorwa cyo kuvumbura ahantu hafite amateka ku buzima bwa Yezu nibwo hamenyekanye amakuru ko Nyina wa Costantine witwaga Helene yavumbuye ibice by’umusaraba, ndetse biza kwemezwa ko ari iby’umusaraba wa Yezu kuko habaye igitangaza cy’uko ubwo byavumburwaga hari umugore wabikozeho arakira.

Image result for origin of cross in christianity

Kuva icyo gihe kubambwa kwa Yezu no gupfira ku musaraba byatanze isura nshya ku musaraba kuko gusa watangiye kwifashishwa mu nsengero ndetse nyuma ya Costantine ugirwa ikimenyetso kiranga Ubukirisito.

N’ubwo kugeza uyu munsi amadini menshi afata umusara nk’ikimenyetso gikomeye kuko ari wo Yezu yabambweho, hari andi makuru avuga ko Icyo Yesu Kirisito yabambweho ari igiti gisanzwe cy’Inginga aho kuba umusaraba.

Izi mpaka z’icyo Yesu yaba yabambweho mu by’ukuri ntizigarukira mu nyigisho z’amadini gusa kuko na Bibiliya iyo zigeze ku murongo uvugamo umusaraba ziranyuranya.

Bibiliya ntagatifu ikunze gukoreshwa cyane muri Kiliziya Gatolika,ivuga ko igihe Yezu Yesu yicwaga, abamwitegerezaga baramunnyeze, maze bamushinyagurira bamusaba ko niba afite ubushake yakwikura kumusaraba.

Hari aho igira iti “Wowe usenya Ingoro y’Imana, ukongera kuyubaka mu minsi itatu, ikize ubwawe niba uri Umwana w’Imana, maze umanuke ku musaraba. Abatware b’abaherezabitambo na bo bakamuseka, n’abigishamategeko, n’abakuru b’umuryango, bati ‘Yakijije abandi, none ntashoboye kwikiza ubwe!’Harya ngo ni Umwami wa Israheli, ngaho namanuke ku musaraba tumwemere!”.

Image result for origin of cross in christianity

Ibi Bibiliya ntagatifu ivuga ibihuza na Bibiliya Yera ariko byagera kuri Bibiliya ikoreshwa n’Abahamya ba Yehova yo aho kuvuga ijambo umusaraba ivuga Igiti cy’Umubabaro.

Bagira bati “Wowe ngo wari gusenya urusengero ukarwubaka mu minsi itatu, ngaho ikize! Niba uri Umwana w’Imana, manuka kuri icyo giti cy’umubabaro!”

Abo muri mu madini atemera ibijyanye n’umusaraba bavuga ko Bibiliya Yera na Bibiliya Ntagatifu ubwo zashyirwaga mu Kinyarwanda, bashafe ijambo ry’Ikigiriki ‘Stauros’ risanzwe rivuga ingiga y’igiti akaba ariryo bahinduramo umusaraba.

1 IGITEKEREZO

TANGA IGITEKEREZO