Pasiteri yishe umukirisitu ari kumusengera mu buryo budasanzwe. Ikosa rikomeye!

0

Mu gace ka Baruwa kari mu Mujyi wa Lagos (Nigeria), umupasiteri wasengeraga umukirisito ngo imyuka mibi imuvemo, yamutwitse akoresheje lisansi arashya arakongoka .

Uyu mupasiteri utatangajwe amazina yatwitswe umuyoboke we biturutse ku kwibeshya kwabayeho, amumenaho lisansi azi ko ari amazi. Umuvugizi w’ishami rishinzwe ibikorwa by’ubutabazi bwihuze muri uyu mujyi, Ibrahim Farinloye yavuze ko yamennye kuri uwo mukirisito lisansi bihita bihura n’umuriro wa buji yari icanye aho mu rusengero.

Yagize ati “Pasiteri yateruye ijerakani yuzuyemo lisansi, atekereza ko ari amazi”.

Muri uru rusengero kandi ngo habayeho ubuyobe no ku bandi bakirisitu aho ngo mugenzi wabo wasengerwaga yafashwe n’iyi nkongi y’umuriro hamwe na Pasiteri n’ubwo we atapfuye, abandi batangira gusenga cyane biyumvisha ko ari ibitangaza bibaye.

Umuriro wagurumunaga ntibawubonaga nk’ugiye kubica ahubwo bo bibwiraga ko ari ibitangaza by’Imana. Ikinyamakuru Negronews gitangaza ko uyu muriro wangije byinshi muri uru rusengero ndetse unateza impagarara muri uyu mujyi wa Lagos.

Pasiteri utatangajwe amazina w’uru rusengero “église évangélique” na we yakuwe aho afite ibikomere by’ubushye ajyanwa kwitabwaho by’umwihariko mu bitaro bikuru by’uyu mujyi, mu gihe intama ye yahise ipfira aho yahiriye.

TANGA IGITEKEREZO